Azərbaycanda ilk dəfə baş tutacaq 3×3 basketbol üzrə Dünya Kubokunun seçmə mərhələsində iştirak edəcək komandalar müəyyənləşib.
“Hokm.az” xəbər verir ki, yarışda kişilərdən ibarət millimizlə yanaşı, Monteneqro, Kanada, Böyük Britaniya, Ruanda və İran yığmaları mübarizə aparacaq.
Qadınların yarışına isə Azərbaycan, Çili, Latviya, Çin Taypeyi, Braziliya və Misir kollektivləri qatılacaq.
Qarşılaşmalar mayın 24-25-də Bakıda təşkil olunacaq.
Qeyd edək ki, kişi və qadın kateqoriyalarında seçmə mərhələnin ən yaxşı 3 milli komandası Dünya Kubokunun əsas mərhələsində iştirak etmək hüququ qazanacaq
